اختيار ضحيه المنتدى لكرسى الاعتراف!!!

السلام عليكم ورحمه الله وبركاته

لمن يرغب من الاعضاء دخول مسابقه كرسى الاعتراف يتفضل بالدخول
وفائده كرسى الاعتراف هو التعارف بين الاعضاء بطريقه لذيذه ومرحه والاقتراب من بعضهم
يحق للعضو ان يسال ماشاء من الاسئله على ان تكون فى حدود الادب والشريعه الاسلاميه ولا يتكرر سؤال سابق
واحنا فى انتظار رايكم فى الموضوع

بجد موضوع اكثر من رائع واتمنى من الاعضاء الزين يشاهدون الموضوع يعطون رايهم فية وسوف نقم باختيار ثلاثة اعضاء يجلسو على كرسى الاعتراف ومن يريد ان يجلس على كرسى الاعتراف يضع فى ردة عن الموضوع انة موافق ولو محدش قال انا موافق هنحتار عشوائى ارجو وضع الردود ازا كانت تعجبكم الفكرة ام لا

ايه الحلوه دى يا مان والله دى فنان

الله يزاجيكي خيرااااااااااااااااااااااااااااااااااا في الدنيا وفي الاخره انشاء الله

وانا موافق

كويس والله ياجماعه ان الفكره عجبتكو
بس ياادمن احنا هنعمل تصويت ل3اعضاء
واللى هياخد اعلى اصوات هو اللى هيبقا ضحيه المنتدى للكرسى
واتمنى ان يكون انت انشاء الله
شكرا ليكو ياجماعه على المرور الراااااااائع ده
mahmoud

اوك وانا موافق انى اكون اول واحد على كرسى الاعتراف وورونى يلا اسئلتكم

كده المفروض عرفنا مين ال3 اعضاء
هما اول 3 ردو بالموافقه

ADMIN
akak20100
taha
وبكده نقدر نقول اننا بدانا التصويت
ايه رايكو
فكره كويسه
ياترى مين الضحيه الاولى؟؟؟
mahmoud

انا موافق انى اقعد اول واحد على كرسى الاعتراف يلا فين الاسئلة

طيب وانا اول واحده هسالك ياباشا
اولا اهلا بيك على كرسى الاعتراف
انت نورت الكرسى وربنا
يلا ادخل بقا برجلك اليمين .....ونقوووووووول يااااهاااااااادى
1*بطاقه تعارف ....من محمود ؟؟
2*هواياتك المفضله واكلتك المفضله؟؟
3*اقرب الناس ليك هنا فى المنتدى ويكونو 3 بسسسس

4*ماذا تقول فى البيت
لاتشكو للناس جرحا انت صاحبه
ولا يؤلم الجرح الا من به الالم؟؟

5*ماذا تقول فى الحكمه القائله
اذا خانك احدهم مره فالذنب ذنبه
واذا خانك مره اخرى فالذنب ذنبك؟؟

6*ماذاتقول لمن يعتمد على الغير فى حل مشاكله اعتماد كلى ؟؟

7*امتى حسيت بالضعف..وامتى حسيت انك ظالم..وامتى حسيت انك مظلوم؟؟؟
8*موقف حصل لمحمووود وعمره ماهينساه؟؟
9*موقف اخر حصلك ومكنتش عارف تتصرف وقتها؟
10*ماهى التجربه التى تتمنى تكرارها؟؟
11*باقه ورد ..لمن تهديها
12*باقه شوك لمن تهديها؟؟
13*نزار القبانى شاعر المراه...وانت؟شاعر من؟؟؟
14*حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
15* قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
16*جريمه تتمنى ارتكابها؟؟؟
17*شخصيه محمود فى 4 كلمات؟؟
واخيييييييرا وليس باخرااا
ماريك فى فكره كرسى الاعتررااااااااف؟؟؟
يارب مكونش طولت عليك
ومعلش لازم هتجاوب على كل الاسئله
فااااااااااااااصل ونعووووووووووووود
mahmoud

بص ياااااامحمود انا مش هطول عليك ماااااااااااااااشي
1- لوانت معاك حته لحمه ومعكش اي اكل غيرها وصديق ليك انت بتحبه وجعااااان اااااوي هل انت هتدهالو ولا هتاكلها؟
2-هل انت بتزعل حد منك؟؟؟؟؟
3-هل انت بتحب للا خيك ماتحب لنفسك؟؟؟؟

اتمني ان اكون مطولتش عليك يااااااااااااااا خواجه

واللة ياخواجة انا معارف قصدك اية من الموضوع دة يعنى مش عارف اقول اية او اعمل اية ومعلش بقا اصل انا غبى شوية

واللة اسئلتكم كتيرة وهحاول اجاوب معظمها
اول حاجة هجاوب على اسئلة الاخت همس
1*بطاقه تعارف ....من محمود ؟؟انا محمود الخواجة
من القاهرة بردس ادارة اعمل ومحاسبة فى اكاديمية المستقبل
2*هواياتك المفضله واكلتك المفضله؟؟
2: هواياتى السباحة والكمبيوتر
اكلتى المفضلة الجمبرى والمسقعة
3*اقرب الناس ليك هنا فى المنتدى ويكونو 3 بسسسس
3:بصى بلاش السؤال دة عشان فى ناس هتزعل منى ممكن اقول واحد بس هوة انتى يا همس بلاش اقول حد تانى عشان الاعضاء ميزعلوش وانا بحب كل الاعضاء واللة
4*ماذا تقول فى البيت
لاتشكو للناس جرحا انت صاحبه
ولا يؤلم الجرح الا من به الالم؟؟
4:مش فاهم قصديك
5*ماذا تقول فى الحكمه القائله
اذا خانك احدهم مره فالذنب ذنبه
واذا خانك مره اخرى فالذنب ذنبك؟؟
5: مش فاهمة بردو واللة
6*ماذاتقول لمن يعتمد على الغير فى حل مشاكله اعتماد كلى ؟؟
6: اقولة لازم تعتمد على نفسك هههههه
7*امتى حسيت بالضعف..وامتى حسيت انك ظالم..وامتى حسيت انك مظلوم؟؟؟
7:الحمد للة مضعفتش قصاد اى موقف قبل كدة ومظلمتش حد ولا حد ظلمنى الحمد للة
8*موقف حصل لمحمووود وعمره ماهينساه؟؟
8:اول يوم عرفت فية اللى بالى باليك
9*موقف اخر حصلك ومكنتش عارف تتصرف وقتها؟
9:فى يوم كنت نازل رايح الجامعة انا واصحابى وخدت من امير صاحبى قلتلة اسوق انا وانا كنت لسة بتعلم السواقة من قريب قالى اوك عادى يا صاحبى وخدتها واحنا ماشين حبيت طبعا اعرضها وكدة زى ما انتى عارفة رحت خابط بنت بس بنت حكاية بس الحمد للة اتخبطت بس فى المراية الحمد للة
10*ماهى التجربه التى تتمنى تكرارها؟؟
10:مفيش حاجة فى حياتى اتمنى اكررها تانى
11*باقه ورد ..لمن تهديها
11:لكل اعضاء المنتدى الحلوين
12*باقه شوك لمن تهديها؟؟
12:اللى اى حد بيكرهنى ومش هيخش يحط مواضيع فى المنتدى ههههههههههههه
13*نزار القبانى شاعر المراه...وانت؟شاعر من؟؟؟
13:انا مليش فى الشعر اصلا
14*حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
14:من حد من اصحابى يطمنى انى نجحت ههههههههههه
15* قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
15:هرسم صوة حد مش بحبة واكتب ابحث مع الشرطة هههههههههه
16*جريمه تتمنى ارتكابها؟؟؟
16:انى اوقف عضوية اللى مش هيشارك معانا
17*شخصيه محمود فى 4 كلمات؟؟
17: طيب جدع صاحب صحبه نفسو يجيب عربيه
ياريت اكون كدة جاوبت اجابة كويسة يا همس
اكيد الفكرة حلوة بس انا مكنتش عارف ان الاسئلة عاملة كدة

يااااااااجماعه انا مش هسال حد علشان محدش يزعل مني

الاسئله طالما فى حدود الادب والاحترام محدش هيزعل منك ياطه
mahmoud

موضوع جميل جداااااااا بس دة اسمة كرسى الاعتراف يعنى ياريت كل الايجابات تكون صحيحة ومفهاش هزار زى الادمن مهو كاتب كدة جاوب على اكثرالاسئلة بتهريج ............. الهدف من اللعبة هو التعارف الجاد ولو حد عندة مشكلة ممكن تتحل معانا انشاء الله

حلوه اوى اللعبه دى
بس اللى اعرفه ان اللى يقعد على الكرسى يتسل سؤال او اتنين
مش ورقه اسئله
هههههههههههههههه

وتسماحولى اشترك معكووووووو

اكيد نسمحلك يا جميل اتفضل اكتب اسئلتك

macro انت مشترك معانا بالفعل
بس كرسى الاعتراف ده للتعارف
بمعنى ان اى حاجه عاوز تعرفها عن العضو الموجود ع الكرسى بيحقلك انك تسالوفيها عشان تكون اتعرفت عليه بالفعل مش مجرد سؤال او 2
وشكرا على مرورك الجميل
mahmoud

ضبط واحضار العضو طـــه الى كرسى الاعتراااف
السلام عليكم ورحمه الله وبركاته
ازيك يا طــه
يارب تكون بخير وبصحه جيده
يؤسفنى ياباشا انى اقولك انك مطلوب القبض عليك والحضوور حالا الى كرسى الاعتراف
يلا استعد بقا وهات معاك كل الاحتياطات اللازمه وتعالى اقعد ع الكرسى
اختـ،،،ــكـ
همـ،،،ـــسـ

الحمد لله كويس
وانا موافق ياااااااااهمس ان انا اتسال واقعد علي الكرسي

يااهلا يااهلا بيك ياطه على كرسى الاعتراف
نورتنا والله والكرسى انشاء الله الكرسى مش هيسيبك
كفايه كده ترحيب بقا ونقوووووووول ياهادى
يلا سمى الله كده وادخل برجلك اليمين
قولى بقا يابو طه
انت طبعا 13 سنه يعنى نقدر نقول انك فى اعدادى كده
قولى بقا نفسك تدخل كليه ايه؟وليه؟
اصدقاءك من اول كى جى وان واللى مستمريين معاك لحد دلوقتى؟
المغنيين او المغنيات اللى بتحبهم؟
الممثليين والممثلات اللى بتحبهم؟
شخصيه بتعتبرها مثلك الاعلى وبتتمنى تبقا زيها فى يوم من الايام؟
احلى هوايه عندك كل يوم لازم تمارسها؟واحلى اكله ايه؟
لو بتحب القراءه هتقرا لمين؟
طبعا كلنا بنحب الرسول صلى الله عليه وسلم .....ايه الصفه المعينه اللى بتحبها فيه؟
واخيرا ..... ايه رايك فى فكره كرسى الاعتراف؟؟
يارب مكونش طولت عليك
mahmoud

( بسم الله الرحمن الرحيم)
ايوه صح انا في 2اعدادي
1-انا نفسي ادخل كليه هندسه (هندسه بترول) في الخليج لان شهرتها عليا
2-هو واحد بس صحبي صحبي بجد بجد بعتبره زي اخويه بالزبط وهو كمان
3-تامر حسني و سميه وتامر عشور
4-كريم عبد العزيز واحمد السقا
5- خاااااااااااالي
6-احلي هوايا هي كره القدم واحلي اكله هيفراخ مشويه
7-(عباس العقاد)
8- الصدق والامانه وحب الاخرين ومساعده المحتاجين
9-بصراحه الفكره دي فكره جميله ااااااوي وبصراحه انا حبتها
ارجو ياااااااااهمس ان تكون دي الاجابه الي انتي طلباها

والسلام عليكم ورحمه الله وبركاته

بجد فكره هايله اوى حكايه كرسى الاعتراف عموما انا مش بعرف اسال هسالك اساله خفيفه
1_بتعمل ايه فى حياتك
2_ما هو طموحك فى الحياه
3_لو واحد صاحبك اوى عمل موقف زعلك منه اوى هتبينله ان انت زعلان ولا هتكلمه عادى ولو كلمته عادى برده هتشيل منه ولا هتتصرف ازاى
رد بقى انت على اسئلتنا دى وانا هفكرلك فى اسئله تانى

* (بسم الله الرحمن الرحيم)*
اولا**السلام عليكم ورحنه الله وبركاته
1-عادي بمارسها عادي زي كل الناساجي من المدرسه اعمل الواجب وواجب الدروس ويوم الخميس بلعب كوره
2-طموحي في الحياه مزعلش حد مني واطل من الاوائل في الدراسه
[color=black]2-عادي هعامله عادي وانسي الي هو عمله معايا [/color]
اسالي او اسال تاني بس ياريت اساله تكون خفيفه زي دول
وياريت تدعولي بقي

السلام عليكم ورحمه الله وبركاته
ازيكم يااحلى اعضاء لاحلى واجمل منتدى
يارب تكونو كلكو بخير يارب وبصحه تمام
شكرا ياطه على استجوابك الجميله وشكرا ليكى ياياسمينا على مرورك وتشريفك للموضوع
وانا ياجماعه اتبرعت انى اكون ضحيتكو على الكرسى بعد طه
واكون سعيده جدا لاستجواباتكم واسئلتكم
وانا فى انتظارها انشاء الله
والسلام عليكم ورحمه الله وبركاته
اختكـ،،،،ـــمـ
همـ،،،،ـــسـ
mahmoud

» الأشراف على المنتدى
» الأشراف على المنتدى
» الى مدير المنتدى وكل من يرغب فى عمل تبادل اعلانى
» شجرة المنتدى......(الكل يتفضل يسجل اسمه)....